chale jaana magar sun lo mere dil mein ye hasrat hai

Bashir Mehtaab

chale jaana magar sun lo mere dil mein ye hasrat hai

Bashir Mehtaab

MORE BYBashir Mehtaab

    chale jaanā magar sun lo mire dil meñ ye hasrat hai

    faqat ik baar kah do hameñ tum se mohabbat hai

    ye mausam bhī suhānā hai tirī yādoñ ke mele haiñ

    tire bin ek bhī lamha bitā lenā qayāmat hai

    burā kahtā hai mujh ko ye zamāna maiñ ne maanā hai

    na jaane kyuuñ use tujh se nahīñ koī shikāyat hai

    achānak yuuñ jo mujh se bad-gumāñ ho gayā hamdam

    mujhe lagtā hai ye mere raqīboñ sharārat hai

    nahīñ koī ḳhatā merī vo phir bhī zaḳhm dete haiñ

    maiñ huuñ bīmar-e-ulfat bas davā merī mohabbat hai

    rahe kab tak bhalā mahtāb tanhā.ī ke aalam meñ

    ki ab to aa bhī us ko faqat terī zarūrat hai

    chale jaana magar sun lo mere dil mein ye hasrat hai

    faqat ek bar hi kah do hamein tum se mohabbat hai

    ye mausam bhi suhana hai teri yaadon ke mele hain

    tere bin ek bhi lamha bita lena qayamat hai

    bura kahta hai mujh ko ye zamana main ne mana hai

    na jaane kyun use tujh se nahin koi shikayat hai

    achanak yun jo mujh se bad-guman tu ho gaya hamdam

    mujhe lagta hai ye mere raqibon ki shararat hai

    nahin koi KHata meri wo phir bhi zaKHm dete hain

    main hun bimar-e-ulfat bas dawa meri mohabbat hai

    rahe kab tak bhala mahtab tanhai ke aalam mein

    ki ab to aa bhi ja us ko faqat teri zarurat hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY