chalegā jaam kisī kā na us ke jaam ke baa'd
piyegā kaun 'munavār' se tishna-kām ke baa'd
jo raaz thā mirī āvārgī pe ifshā thā
tilism ban ga.ī duniyā mire qayām ke baa'd
kiyā hai ḳhūn-e-tamannā ne surḳh-rū kyā kyā
tamām kaam huā arz-e-nā-tamām ke baa'd
jo be-talab mujhe baḳhshā thā māñgne pe bhī de
karīm buḳhl ye kaisā hai lutf-e-ām ke baa'd
hazār haif 'munavvar' kī tīra-baḳhtī par
fuzūl sā hai taḳhallus ye us ke naam ke baa'd
chalega jam kisi ka na us ke jam ke ba'd
piyega kaun 'munawar' se tishna-kaam ke ba'd
jo raaz tha meri aawargi pe ifsha tha
tilism ban gai duniya mere qayam ke ba'd
kiya hai KHun-e-tamanna ne surKH-ru kya kya
tamam kaam hua arz-e-na-tamam ke ba'd
jo be-talab mujhe baKHsha tha mangne pe bhi de
karim buKHl ye kaisa hai lutf-e-am ke ba'd
hazar haif 'munawwar' ki tira-baKHti par
fuzul sa hai taKHallus ye us ke nam ke ba'd
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
