chali jaana hai sari aab-o-tab aahista aahista

chalī jaanā hai saarī āb-o-tāb āhista āhista

ki jaise ḳhatm hotī hai kitāb āhista āhista

yūñhī āhista āhista na jaane ham kahāñ pahuñcheñ

ki ham ne kar liyā sar māhtāb āhista āhista

zamāna kah rahā hai inqalāb aur mujh ko lagtā hai

chalī aatī hai mauj-e-iztirāb āhista āhista

agar hotī rahīñ ulTī yūñhī ḳhvāboñ kī ta.abīreñ

na āñkheñ tark kar deñ apne ḳhvāb āhista āhista

kahīñ ehsās-e-nākāmī na ho jis ke chhupāne ko

ye na.ara ho ham hoñge kāmyāb āhista āhista

uTho rū-posh hone jā rahe haiñ lafz urdu se

chhapā hai jis tarah lafz-e-shitāb āhista āhista

'sa.ādat' kaash koī fā.eda tū bhī uThā letā

ravāna ho gayā terā shabāb āhista āhista

chali jaana hai sari aab-o-tab aahista aahista

ki jaise KHatm hoti hai kitab aahista aahista

yunhi aahista aahista na jaane hum kahan pahunchen

ki hum ne kar liya sar mahtab aahista aahista

zamana kah raha hai inqalab aur mujh ko lagta hai

chali aati hai mauj-e-iztirab aahista aahista

agar hoti rahin ulTi yunhi KHwabon ki tabiren

na aankhen tark kar den apne KHwab aahista aahista

kahin ehsas-e-nakaami na ho jis ke chhupane ko

ye nara ho hum honge kaamyab aahista aahista

uTho ru-posh hone ja rahe hain lafz urdu se

chhapa hai jis tarah lafz-e-shitab aahista aahista

'saadat' kash koi faeda tu bhi uTha leta

rawana ho gaya tera shabab aahista aahista