aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

chalo tum bhi muqaddar aazma lo

Rakhshan Hashmi

chalo tum bhi muqaddar aazma lo

Rakhshan Hashmi

MORE BYRakhshan Hashmi

    chalo tum bhī muqaddar aazmā lo

    hamāre naam sikka uchhālo

    maiñ apne aap meñ dhañsne lagī huuñ

    mujhe merī daldal se nikālo

    guhar kam haiñ ḳhazaf-reze ziyāda

    abhī kuchh aur dariyā ko khañgālo

    chalo karte haiñ tajdīd-e-ta.alluq

    purānī ranjishoñ par ḳhaak Daalo

    mirā maazī mire dar par khaḌā hai

    mujhe tum apne dāman meñ chhupā lo

    bahut mushkil ghaḌī aa.ī huī hai

    ghaḌī suuī ko aa kar sambhālo

    tumhāre saath jiinā chāhtī huuñ

    mujhe be-maut marne se bachā lo

    bujhā sakte nahīñ ho aag jab tum

    kam-az-kam aag meñ ghī to na Daalo

    ta.assub dhuāñ dam ghoTtā hai

    kahāñ mar-khap ga.e raushan ḳhayālo

    tavajjoh chāhiye tum ko jo 'raḳhshāñ'

    kabhī tum bhī kisī ko ghaas Daalo

    chalo tum bhi muqaddar aazma lo

    hamare nam ka sikka uchhaalo

    main apne aap mein dhansne lagi hun

    mujhe meri hi daldal se nikalo

    guhar kam hain KHazaf-reze ziyaada

    abhi kuchh aur dariya ko khangalo

    chalo karte hain tajdid-e-talluq

    purani ranjishon par KHak Dalo

    mera mazi mere dar par khaDa hai

    mujhe tum apne daman mein chhupa lo

    bahut mushkil ghaDi aai hui hai

    ghaDi ki sui ko aa kar sambhaalo

    tumhaare sath jina chahti hun

    mujhe be-maut marne se bacha lo

    bujha sakte nahin ho aag jab tum

    kam-az-kam aag mein ghi to na Dalo

    tassub ka dhuan dam ghoTta hai

    kahan mar-khap gae raushan KHayalo

    tawajjoh chahiye tum ko jo 'raKHshan'

    kabhi tum bhi kisi ko ghas Dalo

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now