chamakte bujhte sitaron ke sath kaTte hain

chamakte bujhte sitāroñ ke saath kāTte haiñ

is ehtimām se ham apnī raat kāTte haiñ

mirī zabān kī qīmat lagāne vaale log

mujhe ḳharīd na paa.e to baat kāTte haiñ

hazāroñ saal se zulm-o-sitam ke parvarda

mosāfirān-e-mohabbat ke haath kāTte haiñ

savāl bai'at-e-āb-e-furāt uThte hī

asā-e-tishna-labī se furāt kāTte haiñ

usī kā naam sahārā hai dukh ke māroñ kā

usī ke naam se ham hādsāt kāTte haiñ

hamārī qadr karo ham haiñ shā.irān-e-junūñ

qalam kī nok se fasl-e-hayāt kāTte haiñ

chamakte bujhte sitaron ke sath kaTte hain

is ehtimam se hum apni raat kaTte hain

meri zaban ki qimat lagane wale log

mujhe KHarid na pae to baat kaTte hain

hazaron sal se zulm-o-sitam ke parwarda

mosafiran-e-mohabbat ke hath kaTte hain

sawal bai'at-e-ab-e-furaat uThte hi

asa-e-tishna-labi se furaat kaTte hain

usi ka nam sahaara hai dukh ke maron ka

usi ke nam se hum hadsat kaTte hain

hamari qadr karo hum hain shairan-e-junun

qalam ki nok se fasl-e-hayat kaTte hain