chamakti os ki surat gulon ki aarzu hona
chamaktī os kī sūrat guloñ kī aarzū honā
kisī kī soch meñ rahnā kisī kī justujū honā
vo patthar hai pighalne meñ zarā sā vaqt to legā
abhī mumkin nahīñ hai us se koī guftugū honā
use meñ dekhtā jā.ūñ kahāñ ye baat āñkhoñ meñ
nahīñ āsān sūraj ke musalsal rū-ba-rū honā
use aatā hai lamhoñ meñ bhī apne aks ko bharnā
na honā paas lekin phir bhī mere chaar sū honā
tumhārī yaad kī bārish barastī hai mire dil par
mirī āñkhoñ ko aatā hī nahīñ hai be-vazū honā
lahū meñ bo gayā hai qatra qatra saiñkḌoñ kāñTe
harī rut meñ bhī mere sehn-e-gul kā be-numū honā
chamakti os ki surat gulon ki aarzu hona
kisi ki soch mein rahna kisi ki justuju hona
wo patthar hai pighalne mein zara sa waqt to lega
abhi mumkin nahin hai us se koi guftugu hona
use mein dekhta jaun kahan ye baat aankhon mein
nahin aasan suraj ke musalsal ru-ba-ru hona
use aata hai lamhon mein bhi apne aks ko bharna
na hona pas lekin phir bhi mere chaar su hona
tumhaari yaad ki barish barasti hai mere dil par
meri aankhon ko aata hi nahin hai be-wazu hona
lahu mein bo gaya hai qatra qatra sainkDon kanTe
hari rut mein bhi mere sehn-e-gul ka be-numu hona
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
