chaman ki sair bhi kafi rahi ana ke liye

chaman kī sair bhī kaafī rahī anā ke liye

sabā ne phuul ke bose mujhe dikhā ke liye

ḳhudā kī naav meñ patvār rakh diye ga.e haiñ

ḳhud ik ḳhudā ke liye ek nāḳhudā ke liye

kisī ne vaqt pe rutbe liye chalā ke havā

kisī ne vaqt meñ rutbe diye jalā ke liye

is imbisāt kā ham ko milā na ushr-e-ashīr

maze jo bachchoñ ne miTTī ke ghar banā ke liye

tumhārī āñkheñ jo dekhīñ to ye ḳhayāl aaya

kahīñ to khiḌkī khulī hai koī havā ke liye

hamārā rehn-sahan hī duā.iyā sā hai

ham apne haath uThāte nahīñ duā ke liye

nizām-e-zarf ajab falsafe pe chaltā hai

jazā sazā ke liye hai sazā jazā ke liye

jo phuul maiñ ne ḳharīde vo us ke haath meñ haiñ

jo phuul us ne liye mujh se bhī chhupā ke liye

chaman ki sair bhi kafi rahi ana ke liye

saba ne phul ke bose mujhe dikha ke liye

KHuda ki naw mein patwar rakh diye gae hain

KHud ek KHuda ke liye ek naKHuda ke liye

kisi ne waqt pe rutbe liye chala ke hawa

kisi ne waqt mein rutbe diye jala ke liye

is imbisat ka hum ko mila na ushr-e-ashir

maze jo bachchon ne miTTi ke ghar bana ke liye

tumhaari aankhen jo dekhin to ye KHayal aaya

kahin to khiDki khuli hai koi hawa ke liye

hamara rehn-sahan hi duaiya sa hai

hum apne hath uThate nahin dua ke liye

nizam-e-zarf ajab falsafe pe chalta hai

jaza saza ke liye hai saza jaza ke liye

jo phul main ne KHaride wo us ke hath mein hain

jo phul us ne liye mujh se bhi chhupa ke liye