chaman mein Khaar hi kya gul bhi dil-figar mile

Jafar Abbas Safvi

chaman mein Khaar hi kya gul bhi dil-figar mile

Jafar Abbas Safvi

MORE BY Jafar Abbas Safvi

    chaman meñ ḳhaar kyā gul bhī dil-figār mile

    fareb-ḳhurda-e-rañgīnī-e-bahār mile

    maza to jab hai ki vo āftāb-e-sub.h-e-jamāl

    gale lipaT ke sar-e-shām-e-intizār mile

    nigāh-e-yās se muñh tak rahā huuñ ik ik

    koī to bazm-e-raqībañ meñ ġham-gusār mile

    jinhoñ ne apne lahū se chaman ko sīñchā thā

    unhīñ ke jaib-o-garebān taar taar mile

    maiñ un ke va.adoñ yuuñ bhī yaqīn kartā huuñ

    mile mile na mile lutf-e-intizār mile

    qafas ke ba.ad chaman meñ ye dekhnā hai mujhe

    ḳhizāñ mile ki vahāñ mausam-e-bahār mile

    vahī to fikr-e-suḳhan āj-kal kare 'ja.afar'

    jise hayāt māhaul ḳhush-gavār mile

    chaman mein KHar hi kya gul bhi dil-figar mile

    fareb-KHurda-e-rangini-e-bahaar mile

    maza to jab hai ki wo aaftab-e-subh-e-jamal

    gale lipaT ke sar-e-sham-e-intizar mile

    nigah-e-yas se munh tak raha hun ek ek ka

    koi to bazm-e-raqiban mein gham-gusar mile

    jinhon ne apne lahu se chaman ko sincha tha

    unhin ke jaib-o-gareban tar tar mile

    main un ke wadon ka yun bhi yaqin karta hun

    mile mile na mile lutf-e-intizar mile

    qafas ke baad chaman mein ye dekhna hai mujhe

    KHizan mile ki wahan mausam-e-bahaar mile

    wahi to fikr-e-suKHan aaj-kal kare 'jafar'

    jise hayat ka mahaul KHush-gawar mile

    Source:

    • Book : SAAZ-O-NAVA (Pg. 124)
    • Publication : Raghu Nath suhai ummid
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY