chaman mein sair-e-gul ko jab kabhi wo mah-jabin nikle

Zahid Chaudhry

chaman mein sair-e-gul ko jab kabhi wo mah-jabin nikle

Zahid Chaudhry

MORE BYZahid Chaudhry

    chaman meñ sair-e-gul ko jab kabhī vo mah-jabīñ nikle

    mirī tār-e-rag-e-jāñ se sadā-e-āfrīñ nikle

    samajh jaatā huuñ fauran kyā hai matlab lan-tarānī

    mirī ḳhvāhish pe jab parde se vo parda-nashīñ nikle

    falak ne jab kiyā hamla mirī shāḳh-e-nasheman par

    jo dushman sāmne aa.e vo apne ham-nashīñ nikle

    vo jin se shahd māñgā thā unhoñ ne zahr de Daalā

    jinheñ samjhā thā maiñ hamdam vo mār-e-āstīñ nikle

    maiñ jab un dostoñ be-ruḳhī par ġhaur kartā huuñ

    mire ġham-ḳhāna-e-dil se fugān-e-ātishīñ nikle

    tirī mahfil meñ har bahrūpiye hai maqām ūñchā

    haqīqat meñ jo ahl-e-dil haiñ vo uzlat-guzīñ nikle

    faroġh-e-ilm-e-be-qadrī hālat meñ nahīñ mumkin

    ḳhas-o-ḳhāshāk hone ko sadaf se kyuuñ nagīñ nikle

    jinhoñ ne khet lahrā.e haiñ apne ḳhuuñ pasīne se

    ajab turfa hai vo mardān-e-mehnat be-zamīñ nikle

    guzāre maiñ ne jo lamhāt āġhosh-e-tasavvur meñ

    vo merī zindagī ke roz-o-shab meñ behtarīñ nikle

    maiñ apnī ābrū-mandī meñ pā-mardī paikar huuñ

    maiñ vo aadam nahīñ jo chhoḌ kar ḳhuld-e-barīñ nikle

    vo mai-noshī meñ karte haiñ imāmat but-parastoñ

    janāb-e-shaiḳh mai-ḳhāne meñ bhī masnad-nashīñ nikle

    chaman mein sair-e-gul ko jab kabhi wo mah-jabin nikle

    meri tar-e-rag-e-jaan se sada-e-afrin nikle

    samajh jata hun fauran kya hai matlab lan-tarani ka

    meri KHwahish pe jab parde se wo parda-nashin nikle

    falak ne jab kiya hamla meri shaKH-e-nasheman par

    jo dushman samne aae wo apne ham-nashin nikle

    wo jin se shahd manga tha unhon ne zahr de Dala

    jinhen samjha tha main hamdam wo mar-e-astin nikle

    main jab un doston ki be-ruKHi par ghaur karta hun

    mere gham-KHana-e-dil se fugan-e-atishin nikle

    teri mahfil mein har bahrupiye ka hai maqam uncha

    haqiqat mein jo ahl-e-dil hain wo uzlat-guzin nikle

    farogh-e-ilm-e-be-qadri ki haalat mein nahin mumkin

    KHas-o-KHashak hone ko sadaf se kyun nagin nikle

    jinhon ne khet lahrae hain apne KHun pasine se

    ajab turfa hai wo mardan-e-mehnat be-zamin nikle

    guzare main ne jo lamhat aaghosh-e-tasawwur mein

    wo meri zindagi ke roz-o-shab mein behtarin nikle

    main apni aabru-mandi mein pa-mardi ka paikar hun

    main wo aadam nahin jo chhoD kar KHuld-e-barin nikle

    wo mai-noshi mein karte hain imamat but-paraston ki

    janab-e-shaiKH mai-KHane mein bhi masnad-nashin nikle

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY