chaman mein us gul-e-rana se guftugu to hui

chaman meñ us gul-e-ra.anā se guftugū to huī

kahīñ kī baat sahī sharh-e-ārzū to huī

jahān-e-ishq meñ kuchh fikr-o-justujū to huī

udhar bhī jazba-e-betāb kī numū to huī

nazar ke sāmne ā.īna-e-jamāl rahā

niyāz-e-ishq kī aaj itnī aabrū to huī

ba-faiz-e-soz-e-yaqīñ ham tire qarīb aa.e

tajallī-e-mah-e-nādīda rū-ba-rū to huī

butān-e-arsh the dair-o-haram meñ afsāna

vo ham ki jāda-o-manzil kī justujū to huī

chaman-chaman haiñ tire yaad ke hasīñ lamhe

shab-e-firāq bhī mānūs-e-rang-o-bū to huī

ġhurūr-e-husn bahut baḌh gayā magar 'saifī'

rumūz-e-ishq pe jī-bhar ke guftugū to huī

chaman mein us gul-e-rana se guftugu to hui

kahin ki baat sahi sharh-e-arzu to hui

jahan-e-ishq mein kuchh fikr-o-justuju to hui

udhar bhi jazba-e-betab ki numu to hui

nazar ke samne aaina-e-jamal raha

niyaz-e-ishq ki aaj itni aabru to hui

ba-faiz-e-soz-e-yaqin hum tere qarib aae

tajalli-e-mah-e-nadida ru-ba-ru to hui

butan-e-arsh the dair-o-haram mein afsana

wo hum ki jada-o-manzil ki justuju to hui

chaman-chaman hain tere yaad ke hasin lamhe

shab-e-firaq bhi manus-e-rang-o-bu to hui

ghurur-e-husn bahut baDh gaya magar 'saifi'

rumuz-e-ishq pe ji-bhar ke guftugu to hui