chaman vahī hai ghaTā.eñ vahī bahār vahī
magar guloñ meñ vo ab rañg-o-bū nahīñ baaqī
hai dil-kashī meñ vahī ab bhī mausamoñ kī bahār
nazar meñ kaifiyat-e-rañg-o-bū nahīñ baaqī
shabāb-e-dahr kī ab bhī hai vo farāvānī
magar ḳhayāl meñ josh-e-numū nahīñ baaqī
hai dil meñ dard bhī pahlū meñ dil bhī hai lekin
kisī ke dard pe rone kī ḳhū nahīñ baaqī
haram kī sham-e-farozāñ hai aaj bhī lekin
tajassus-e-nazar-e-shola-jū nahīñ baaqī
gale to milte haiñ ahbāb ai 'hayā' ab bhī
magar diloñ meñ sadāqat kī bū nahīñ baaqī
chaman wahi hai ghaTaen wahi bahaar wahi
magar gulon mein wo ab rang-o-bu nahin baqi
hai dil-kashi mein wahi ab bhi mausamon ki bahaar
nazar mein kaifiyat-e-rang-o-bu nahin baqi
shabab-e-dahr ki ab bhi hai wo farawani
magar KHayal mein josh-e-numu nahin baqi
hai dil mein dard bhi pahlu mein dil bhi hai lekin
kisi ke dard pe rone ki KHu nahin baqi
haram ki sham-e-farozan hai aaj bhi lekin
tajassus-e-nazar-e-shola-ju nahin baqi
gale to milte hain ahbab ai 'haya' ab bhi
magar dilon mein sadaqat ki bu nahin baqi
Source:
Jadeed Shora-e-Urdu (Pg. 971)
-
Author:
Dr. Abdul Wahid
-
- Publisher: Feroz sons Printers Publishers and Stationers
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
