chamke hue hain diwar-o-dar raunaq hai bazaron mein

Saleem Betab

chamke hue hain diwar-o-dar raunaq hai bazaron mein

Saleem Betab

MORE BYSaleem Betab

    chamke hue haiñ dīvār-o-dar raunaq hai bāzāroñ meñ

    kaise kaise log aa.e haiñ kaisī kaisī caroñ meñ

    maiñ to us ke sāmne baiThā us chehra paḌhtā thā

    jaane vo kyā DhūñD rahā thā añgrezī aḳhbāroñ meñ

    vo bhī din the jab har chhuTTī tere saath guzartī thī

    aaj magar rakkhā kyā hai haftoñ aur itvāroñ meñ

    jaane kis farhād tesha kis ke jigar ko chiir gayā

    ḳhuun dhāreñ dekh rahā huuñ patthar dīvāroñ meñ

    jin logoñ ke aql-o-hunar dhuum machī thī aalam meñ

    un ko bhī dekhā hai rusvā shāhoñ ke darbāroñ meñ

    phuul se chehre shāḳh bāñheñ jab galiyoñ meñ miltī haiñ

    kaun bhalā phir sair ko jaa.e hare-bhare gulzāroñ meñ

    to merī ma.asūm nazar ko bul-havasī dosh na de

    maiñ to ḳhud ko dekh rahā huuñ tere hasīñ ruḳhsāroñ meñ

    aao un ko bāhar kar taaza havā meñ biThlā.eñ

    log chhupe baiThe haiñ kab se apnī zaat ke ġhāroñ meñ

    ab ke to 'betāb' murī meñ kuchh kuchh aag barastī thī

    jalte sahrā aa nikle the bhīge hue kohsāroñ meñ

    chamke hue hain diwar-o-dar raunaq hai bazaron mein

    kaise kaise log aae hain kaisi kaisi caron mein

    main to us ke samne baiTha us ka chehra paDhta tha

    jaane wo kya DhunD raha tha angrezi aKHbaron mein

    wo bhi din the jab har chhuTTi tere sath guzarti thi

    aaj magar rakkha hi kya hai hafton aur itwaron mein

    jaane kis farhad ka tesha kis ke jigar ko chir gaya

    KHun ki dhaaren dekh raha hun patthar ki diwaron mein

    jin logon ke aql-o-hunar ki dhum machi thi aalam mein

    un ko bhi dekha hai ruswa shahon ke darbaron mein

    phul se chehre shaKH si banhen jab galiyon mein milti hain

    kaun bhala phir sair ko jae hare-bhare gulzaron mein

    to meri masum nazar ko bul-hawasi ka dosh na de

    main to KHud ko dekh raha hun tere hasin ruKHsaron mein

    aao un ko bahar la kar taza hawa mein biThlaen

    log chhupe baiThe hain kab se apni zat ke ghaaron mein

    ab ke to 'betab' muri mein kuchh kuchh aag barasti thi

    jalte sahra aa nikle the bhige hue kohsaron mein

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY