chand KHwabon ki parchhaiyan aur main

chand ḳhvāboñ kī parchhā.iyāñ aur maiñ

par sameTe haiñ rusvā.iyāñ aur maiñ

tīnoñ ik duuje ke haiñ baḌe ḳhair-ḳhvāh

ya.anī ye hijr tanhā.iyāñ aur maiñ

bhīgā āñchal nazar aa.e to aap ko

yaad kartī haiñ purvā.iyāñ aur maiñ

aaj bhī mere ḳhvāboñ ke album meñ hai

terī alhaḌ sī añgḌā.iyāñ aur maiñ

khojtī haiñ sukūñ ab to chāroñ pahar

sog āñkheñ ye charpā.iyāñ aur maiñ

terī hasrat meñ rote hue hī mile

mere lafzoñ kī shahnā.iyāñ aur maiñ

aaj phir raat bhar baat karte rahe

sahmī sahmī sī parchhā.iyāñ aur maiñ

chand KHwabon ki parchhaiyan aur main

par sameTe hain ruswaiyan aur main

tinon ek duje ke hain baDe KHair-KHwah

yani ye hijr tanhaiyan aur main

bhiga aanchal nazar aae to aap ko

yaad karti hain purwaiyan aur main

aaj bhi mere KHwabon ke album mein hai

teri alhaD si angDaiyan aur main

khojti hain sukun ab to chaaron pahar

sog aankhen ye charpaiyan aur main

teri hasrat mein rote hue hi mile

mere lafzon ki shahnaiyan aur main

aaj phir raat bhar baat karte rahe

sahmi sahmi si parchhaiyan aur main