chand la-KHitab aankhen chand be-laqab chehre

chand lā-ḳhitāb āñkheñ chand be-laqab chehre

hasratoñ ke ā.īne be-hasab-nasab chehre

paare sābit-o-sālim ā.inoñ meñ haiñ jab ki

hote jaate haiñ āḳhir masḳh kis sabab chehre

pāniyoñ ne bil-āḳhir resha resha kar Daalā

aks-reziyāñ kab tak karte jāñ-ba-lab chehre

Duub jab ga.iiñ āñkheñ saath saath sūraj ke

nikle sair karne ko ghāTiyoñ se tab chehre

aañkh par na rakhte the kal kisī ko lekin ab

mausamoñ ke aage haiñ kaise bā-adab chehre

kaun ḳhush-nigāhī kā de subūt 'rahmānī'

ā.ina-gazīda haiñ aaj sab ke sab chehre

chand la-KHitab aankhen chand be-laqab chehre

hasraton ke aaine be-hasab-nasab chehre

pare sabit-o-salim aainon mein hain jab ki

hote jate hain aaKHir masKH kis sabab chehre

paniyon ne bil-aKHir resha resha kar Dala

aks-reziyan kab tak karte jaan-ba-lab chehre

Dub jab gain aankhen sath sath suraj ke

nikle sair karne ko ghaTiyon se tab chehre

aankh par na rakhte the kal kisi ko lekin ab

mausamon ke aage hain kaise ba-adab chehre

kaun KHush-nigahi ka de subut 'rahmani'

aaina-gazida hain aaj sab ke sab chehre