charagh aankh ki sab boliyan samajhte hain

charāġh aañkh kī sab boliyāñ samajhte haiñ

ye ham se pūchh jo aisī zabāñ samajhte haiñ

bahā ke le gayā sab ḳhadd-o-ḳhāl ahd-e-shabāb

ham ā.īne ko bhī āb-e-ravāñ samajhte haiñ

hameñ azal se mohabbat sikhā.ī jaatī hai

ham ahl-e-harf yahī ik zabāñ samajhte haiñ

jahāñ yaqīñ ke tajassus kī aañkh band na ho

use ilāqa-e-vahm-o-gumāñ samajhte haiñ

uThā chukā hai takallum tamām parde magar

ham an-kahī ko abhī darmiyāñ samajhte haiñ

tabāh kī ga.ī duniyāoñ kā ġhubār na ho

ham ahal-e-ḳhāk jise kahkashāñ samajhte haiñ

hamārā bojh kisī aur ne uThāyā nahīñ

to ham bhī kyā use bār-e-garāñ samajhte haiñ

charagh aankh ki sab boliyan samajhte hain

ye hum se puchh jo aisi zaban samajhte hain

baha ke le gaya sab KHadd-o-KHal ahd-e-shabab

hum aaine ko bhi aab-e-rawan samajhte hain

hamein azal se mohabbat sikhai jati hai

hum ahl-e-harf yahi ek zaban samajhte hain

jahan yaqin ke tajassus ki aankh band na ho

use ilaqa-e-wahm-o-guman samajhte hain

uTha chuka hai takallum tamam parde magar

hum an-kahi ko abhi darmiyan samajhte hain

tabah ki gai duniyaon ka ghubar na ho

hum ahal-e-KHak jise kahkashan samajhte hain

hamara bojh kisi aur ne uThaya nahin

to hum bhi kya use bar-e-garan samajhte hain