charagh-e-fikr jalaya hai raat bhar humne

charāġh-e-fikr jalāyā hai raat bhar ham ne

aur us ke ba.ad nikhārā ruḳh-e-sahar ham ne

hameñ shu.ūr ne dhoke diye haiñ rah rah kar

fareb khaa.e haiñ dānista beshtar ham ne

sila ḳhirad kā zamāne meñ jām-e-zahr sahī

nikhār dī hai magar azmat-e-bashar ham ne

nazar ho daulat-e-har-do-jahāñ pe kyā maa.il

sameT lī hai bahut daulat-e-nazar ham ne

sadā-e-pā kī sunī bāz-gasht hī har gaam

talāsh kī hai jahāñ terī rahguzar ham ne

nigār-e-gul ne liyā naam zer-e-lab terā

udaas chāñd ko dekhā pas-e-shajar ham ne

charagh-e-fikr jalaya hai raat bhar hum ne

aur us ke baad nikhaara ruKH-e-sahar hum ne

hamein shuur ne dhoke diye hain rah rah kar

fareb khae hain danista beshtar hum ne

sila KHirad ka zamane mein jam-e-zahr sahi

nikhaar di hai magar azmat-e-bashar hum ne

nazar ho daulat-e-har-do-jahan pe kya mail

sameT li hai bahut daulat-e-nazar hum ne

sada-e-pa ki suni baz-gasht hi har gam

talash ki hai jahan teri rahguzar hum ne

nigar-e-gul ne liya nam zer-e-lab tera

udas chand ko dekha pas-e-shajar hum ne