charagh-e-KHana-e-dil ko supurd-e-baad kar dun
charagh-e-KHana-e-dil ko supurd-e-baad kar dun
Ghulam Husain Sajid
MORE BYGhulam Husain Sajid
charāġh-e-ḳhāna-e-dil ko supurd-e-bād kar duuñ
ye qaidī bhī kisī ke naam par āzād kar duuñ
bahut ham se gurezāñ ye zamīn o āsmāñ haiñ
ijāzat ho to ik duniyā na.ī ābād kar duuñ
jidhar niklūñ savād-e-hijr hī kā sāmnā hai
koī sūrat yahāñ bhī vasl kī ījād kar duuñ
mire māyūs rahne par agar vo shādmāñ hai
to kyuuñ ḳhud ko maiñ us ke vāste barbād kar duuñ
bahut chehre nigāhoñ meñ ubharte Dūbte haiñ
agar kuchh der ko raushan charāġh-e-yād kar duuñ
bahut din se musir is baat par vo mehrbāñ hai
ki maiñ dil ko rahīn-e-sohbat-e-nā-shād kar duuñ
charagh-e-KHana-e-dil ko supurd-e-baad kar dun
ye qaidi bhi kisi ke nam par aazad kar dun
bahut hum se gurezan ye zamin o aasman hain
ijazat ho to ek duniya nai aabaad kar dun
jidhar niklun sawad-e-hijr hi ka samna hai
koi surat yahan bhi wasl ki ijad kar dun
mere mayus rahne par agar wo shadman hai
to kyun KHud ko main us ke waste barbaad kar dun
bahut chehre nigahon mein ubharte Dubte hain
agar kuchh der ko raushan charagh-e-yaad kar dun
bahut din se musir is baat par wo mehrban hai
ki main dil ko rahin-e-sohbat-e-na-shad kar dun
Source:
siip-volume-46 (Pg. 56)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
