charagh-e-qurb ki lau se pighal gaya wo bhi

charāġh-e-qurb kī lau se pighal gayā vo bhī

azāb-e-hijr se maiñ kyaa, nikal gayā vo bhī

ridā-e-abr-e-jamāl-e-hijāb kyā sarkī

ki añg añg sitāroñ meñ Dhal gayā vo bhī

dayār-e-ḳhvāb meñ ik shaḳhs ham-qadam thā magar

paḌā jo vaqt to rasta badal gayā vo bhī

ye us kī yaad kā e.ajāz thā ki ab ke baras

jo vaqt ham pe kaḌā thā so Tal gayā vo bhī

ajab tilism-e-numū thā vafā kī miTTī meñ

havā-e-hijr chalī, phuul phal gayā vo bhī

charagh-e-qurb ki lau se pighal gaya wo bhi

azab-e-hijr se main kya, nikal gaya wo bhi

rida-e-abr-e-jamal-e-hijab kya sarki

ki ang ang sitaron mein Dhal gaya wo bhi

dayar-e-KHwab mein ek shaKHs ham-qadam tha magar

paDa jo waqt to rasta badal gaya wo bhi

ye us ki yaad ka eajaz tha ki ab ke baras

jo waqt hum pe kaDa tha so Tal gaya wo bhi

ajab tilism-e-numu tha wafa ki miTTi mein

hawa-e-hijr chali, phul phal gaya wo bhi