چراغ گھر میں جلا نہیں ہے
چراغ گھر میں جلا نہیں ہے
یہ رات کا مسئلہ نہیں ہے
یہ رات تم سے نہیں کٹے گی
یہ ہجر ہے رت جگا نہیں ہے
دلیل منطق نہیں چلے گی
یہ عشق ہے فلسفہ نہیں ہے
یہ عشق ہے بندگی سمجھ مت
تو آدمی ہے خدا نہیں ہے
ہے رنج کیوں حال دل پہ آخر
یہ قصہ تو نے سنا نہیں ہے
خود اپنے دشمن ہیں لوگ سارے
نہیں کوئی دوسرا نہیں ہے
ہوا سے لو تھرتھرا گئی تھی
چراغ لیکن بجھا نہیں ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
