charagh jalta nahin hai lekin jala raha hun

charāġh jaltā nahīñ hai lekin jalā rahā huuñ

maiñ ek laḌkī ko pyaar karnā sikhā rahā huuñ

isī liye to nikhar rahā huuñ maiñ lamha lamha

ki jhiil āñkhoñ meñ chāñd ban kar nahā rahā huuñ

ye saath gaañv meñ ek chhoTā sā kaam hai bas

mirī udāsī udaas mat ho maiñ aa rahā huuñ

ki beḌiyoñ kī hasīn chhan-chhan pe sar dhuno tum

na mujh se pūchho ki paañv kaise hilā rahā huuñ

hai mom jaisā mirā badan aur tū aag jaisī

tire qarīb aa ke apnī hastī miTā rahā huuñ

'hasīb' apnā ḳhayāl rakhnā mujhe ijāzat

shakeb-o-sarvat bulā rahe haiñ maiñ jā rahā huuñ

charagh jalta nahin hai lekin jala raha hun

main ek laDki ko pyar karna sikha raha hun

isi liye to nikhar raha hun main lamha lamha

ki jhil aankhon mein chand ban kar naha raha hun

ye sath ganw mein ek chhoTa sa kaam hai bas

meri udasi udas mat ho main aa raha hun

ki beDiyon ki hasin chhan-chhan pe sar dhuno tum

na mujh se puchho ki panw kaise hila raha hun

hai mom jaisa mera badan aur tu aag jaisi

tere qarib aa ke apni hasti miTa raha hun

'hasib' apna KHayal rakhna mujhe ijazat

shakeb-o-sarwat bula rahe hain main ja raha hun