charaghon ko bujhana chahta hun
charāġhoñ ko bujhānā chāhtā huuñ
maiñ us se duur jaanā chāhtā huuñ
mohabbat kā huā ho zikr jis meñ
ġhazal vo gungunānā chāhtā huuñ
agar kuchh pūchhnā hai to ye pūchho
maiñ kis se dil lagānā chāhtā huuñ
musalsal yaad aatā hai jo mujh ko
maiñ us ko yaad aanā chāhtā huuñ
musāfir ko na deñ jo chhāoñ apnī
shajar vo sab girānā chāhtā huuñ
charaghon ko bujhana chahta hun
main us se dur jaana chahta hun
mohabbat ka hua ho zikr jis mein
ghazal wo gungunana chahta hun
agar kuchh puchhna hai to ye puchho
main kis se dil lagana chahta hun
musalsal yaad aata hai jo mujh ko
main us ko yaad aana chahta hun
musafir ko na den jo chhaon apni
shajar wo sab girana chahta hun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
