charKH bhi chhu len to jaana hai isi miTTi mein
charḳh bhī chhū leñ to jaanā hai isī miTTī meñ
mustaqil apnā Thikānā hai isī miTTī meñ
jin ke dāman pe kabhī chāñd-sitāre chamke
dafan un kā bhī fasāna hai isī miTTī meñ
be-amal haath lagā.e bhī to ḳhālī jaa.e
haañ jafā-kash kā ḳhazāna hai isī miTTī meñ
is tarah chal ki ye pāmāl na hone paa.e
be-ḳhabar aab hai daana hai isī miTTī meñ
ham-vatan ḳhāk-e-vatan kyuuñ na ho pyārī ki hameñ
ba.ad-az-marg bhī jaanā hai isī miTTī meñ
log kal kah ke tujhe yaad kareñge 'aḳhlāq'
shā.ir-e-faḳhr-e-zamāna hai isī miTTī meñ
charKH bhi chhu len to jaana hai isi miTTi mein
mustaqil apna Thikana hai isi miTTi mein
jin ke daman pe kabhi chand-sitare chamke
dafan un ka bhi fasana hai isi miTTi mein
be-amal hath lagae bhi to KHali jae
han jafa-kash ka KHazana hai isi miTTi mein
is tarah chal ki ye pamal na hone pae
be-KHabar aab hai dana hai isi miTTi mein
ham-watan KHak-e-watan kyun na ho pyari ki hamein
baad-az-marg bhi jaana hai isi miTTi mein
log kal kah ke tujhe yaad karenge 'aKHlaq'
shair-e-faKHr-e-zamana hai isi miTTi mein
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
