chashm-e-dil-gir muntazir hai meri
chashm-e-dil-gīr muntazir hai mirī
phir koī hiir muntazir hai mirī
shaam tak ghar ko lauTnā hai mujhe
us kī tasvīr muntazir hai mirī
phir bikharne ko haiñ 'anāsir-e-jāñ
zarb-o-taksīr muntazir hai mirī
chhan-chhanā-chhan kī aa rahī hai sadā
koī zanjīr muntazir hai mirī
le chalo mujh ko sū-e-dār-o-rasan
rasm-e-tauqīr muntazir hai mirī
shauq-e-āvārgī salām tujhe
rāh-e-tā'mīr muntazir hai mirī
aa.ine mujh ko DhūñDte haiñ 'amar'
tazk-o-tat.hīr muntazir hai mirī
chashm-e-dil-gir muntazir hai meri
phir koi hir muntazir hai meri
sham tak ghar ko lauTna hai mujhe
us ki taswir muntazir hai meri
phir bikharne ko hain 'anasir-e-jaan
zarb-o-taksir muntazir hai meri
chhan-chhana-chhan ki aa rahi hai sada
koi zanjir muntazir hai meri
le chalo mujh ko su-e-dar-o-rasan
rasm-e-tauqir muntazir hai meri
shauq-e-awargi salam tujhe
rah-e-ta'mir muntazir hai meri
aaine mujh ko DhunDte hain 'amar'
tazk-o-tathir muntazir hai meri
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
