chashm-e-mushtaq-e-mulaqat kahan thi pahle
chashm-e-mushtaq-e-mulaqat kahan thi pahle
Rangeshwar Dayal Saxena Sufi
MORE BYRangeshwar Dayal Saxena Sufi
chashm-e-mushtāq-e-mulāqāt kahāñ thī pahle
dil meñ tuġhyānī-e-jazbāt kahāñ thī pahle
baad nākāmī-e-bisyār huī hai hāsil
jazb-e-dil meñ ye karāmāt kahāñ thī pahle
hech hai jis kī nigāhoñ meñ matā.a-e-taskīñ
dil-e-betāb meñ ye baat kahāñ thī pahle
shauq-e-sādiq kī badaulat ye huī hai ai dost
dard se dil kī mulāqāt kahāñ thī pahle
jis ko dekho nazar aatā hai giraftār-e-alam
is qadar kasrat-e-āfāt kahāñ thī pahle
ab to bin-dekhe tire jiinā huā hai dūbhar
tere dīvāne meñ ye baat kahāñ thī pahle
roz girtā hī chalā jaatā hai aḳhlāq-e-jahāñ
'sūfī' ye sūrat-e-hālāt kahāñ thī pahle
chashm-e-mushtaq-e-mulaqat kahan thi pahle
dil mein tughyani-e-jazbaat kahan thi pahle
baad nakaami-e-bisyar hui hai hasil
jazb-e-dil mein ye karamat kahan thi pahle
hech hai jis ki nigahon mein mataa-e-taskin
dil-e-betab mein ye baat kahan thi pahle
shauq-e-sadiq ki badaulat ye hui hai ai dost
dard se dil ki mulaqat kahan thi pahle
jis ko dekho nazar aata hai giraftar-e-alam
is qadar kasrat-e-afat kahan thi pahle
ab to bin-dekhe tere jina hua hai dubhar
tere diwane mein ye baat kahan thi pahle
roz girta hi chala jata hai aKHlaq-e-jahan
'sufi' ye surat-e-haalat kahan thi pahle
Source:
Bagh-o-Bahar (Pg. 75)
- Author: Rangeshwar Dayal Saxena Sufi
-
- Publisher: Rangeshwar Dayal Saxena Sufi
- Year of Publication: 1989
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
