chashm-e-saqi se muskura kar pi

chashm-e-sāqī se muskurā kar pī

mai-kade ko jināñ banā kar pī

laḌkhaḌāne kī kyā zarūrat hai

aql ko niiñd se jagā kar pī

vasl se dūriyāñ banā.e rakh

ziist ko hijr meñ milā kar pī

jaam kā lutf hogā do-bālā

us kī sūrat nazar meñ lā kar pī

toḌ de aaj mai-kashī ke usuul

sāqiyā chhūT hai dabā kar pī

TuuT jā.egā ġham kā paimāna

aaj kī raat dil lagā kar pī

mai kī botal girā de zaḳhmoñ par

ātish-e-qalb ko bujhā kar pī

aaj pahlī hai shab judā.ī kī

apnī āñkhoñ se ḳhuuñ bahā kar pī

jo kisī ke nahīñ hue 'mehvar'

aise afrād ko bhulā kar pī

chashm-e-saqi se muskura kar pi

mai-kade ko jinan bana kar pi

laDkhaDane ki kya zarurat hai

aql ko nind se jaga kar pi

wasl se duriyan banae rakh

zist ko hijr mein mila kar pi

jam ka lutf hoga do-baala

us ki surat nazar mein la kar pi

toD de aaj mai-kashi ke usul

saqiya chhuT hai daba kar pi

TuT jaega gham ka paimana

aaj ki raat dil laga kar pi

mai ki botal gira de zaKHmon par

aatish-e-qalb ko bujha kar pi

aaj pahli hai shab judai ki

apni aankhon se KHun baha kar pi

jo kisi ke nahin hue 'mehwar'

aise afrad ko bhula kar pi