chashm-e-tar jam dil-e-baada-kashan hai shisha

chashm-e-tar jaam dil-e-bāda-kashāñ hai shīsha

mohtasib aaj kidhar jaam kahāñ hai shīsha

bazm-e-sāqī meñ jo āvāz nahīñ qulqul kī

is qadar aaj ye kyuuñ pamba-dahāñ hai shīsha

mohtasib sañg liye haath meñ aur sū-e-falak

dam-ba-dam chashm-e-dahan se nigarāñ hai shīsha

paañv rakhtā hī nahīñ naaz se bālā-e-zamīñ

kaf-ba-kaf bazm meñ saaqī kī ravāñ hai shīsha

hai tarāvish meñ 'baqā' is se mai-e-nāb-suḳhan

hai bajā kahiye agar apnā dahāñ hai shīsha

chashm-e-tar jam dil-e-baada-kashan hai shisha

mohtasib aaj kidhar jam kahan hai shisha

bazm-e-saqi mein jo aawaz nahin qulqul ki

is qadar aaj ye kyun pamba-dahan hai shisha

mohtasib sang liye hath mein aur su-e-falak

dam-ba-dam chashm-e-dahan se nigaran hai shisha

panw rakhta hi nahin naz se baala-e-zamin

kaf-ba-kaf bazm mein saqi ki rawan hai shisha

hai tarawish mein 'baqa' is se mai-e-nab-suKHan

hai baja kahiye agar apna dahan hai shisha