chashm-e-tar le ke gar gae hote

chashm-e-tar le ke gar ga.e hote

jaam be-āb bhar ga.e hote

bojh kashtī pe hai agar kahte

ḳhāmushī se utar ga.e hote

itnī uftād aur chup itnī

pyaas hotī to mar ga.e hote

ik takalluf meñ hai bharam varna

rang saare utar ga.e hote

ek muddat se hai makāñ ḳhālī

koī hotā to ghar ga.e hote

zinda rahne ke mā-sivā.e 'sabā'

kaam koī to kar ga.e hote

chashm-e-tar le ke gar gae hote

jam be-ab bhar gae hote

bojh kashti pe hai agar kahte

KHamushi se utar gae hote

itni uftad aur chup itni

pyas hoti to mar gae hote

ek takalluf mein hai bharam warna

rang sare utar gae hote

ek muddat se hai makan KHali

koi hota to ghar gae hote

zinda rahne ke ma-siwae 'saba'

kaam koi to kar gae hote