chashm-e-zahir se ruKH-e-yar ka parda dekha

Hasan Barelvi

chashm-e-zahir se ruKH-e-yar ka parda dekha

Hasan Barelvi

MORE BYHasan Barelvi

    chashm-e-zāhir se ruḳh-e-yār parda dekhā

    āñkheñ jab phuuT ga.iiñ tab ye tamāshā dekhā

    dekhnā ye hai ki ham ne tumheñ kaisā chāhā

    pūchhnā ye hai ki tum ne hameñ kaisā dekhā

    phir jalāo.ge kabhī tālib-e-dīdār ḳhat

    saikḌoñ āñkhoñ se us ne tumheñ dekhā dekhā

    kaan vo kaan hai jis ne tirī āvāz sunī

    aañkh vo aañkh hai jis ne tirā jalva dekhā

    aap kahte haiñ ki dekh liyā dil terā

    kahiye to apne sivā dil meñ mire kyā dekhā

    tum ḳhabar bhī na hue ḳhāna-ba-doshoñ se kabhī

    ham ne ghar phūñk diyā sab ne tamāshā dekhā

    jin se hoñ soḳhta-jānoñ ke kaleje ThanDe

    unhīñ jalvoñ se 'hasan' tuur ko jaltā dekhā

    chashm-e-zahir se ruKH-e-yar ka parda dekha

    aankhen jab phuT gain tab ye tamasha dekha

    dekhna ye hai ki hum ne tumhein kaisa chaha

    puchhna ye hai ki tum ne hamein kaisa dekha

    phir jalaoge kabhi talib-e-didar ka KHat

    saikDon aankhon se us ne tumhein dekha dekha

    kan wo kan hai jis ne teri aawaz suni

    aankh wo aankh hai jis ne tera jalwa dekha

    aap kahte hain ki ja dekh liya dil tera

    kahiye to apne siwa dil mein mere kya dekha

    tum KHabar bhi na hue KHana-ba-doshon se kabhi

    hum ne ghar phunk diya sab ne tamasha dekha

    jin se hon soKHta-jaanon ke kaleje ThanDe

    unhin jalwon se 'hasan' tur ko jalta dekha

    Source :
    • Book : Intekhab-e-Sukhan(Jild-2) (Pg. 128)
    • Author : Hasrat Mohani
    • Publication : uttar pradesh urdu academy (1983)
    • Edition : 1983
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY