chashm ko shauq-e-ashk-bari hai

chashm ko shauq-e-ashk-bārī hai

chashma-e-faiz hai ki jaarī hai

sozan-e-īsvī se kyā hogā

zaḳhm apne jigar kā kaarī hai

ham kahīñ aur tum kahīñ sāhab

ḳhaak ye zindagī hamārī hai

rakh ke sar us qadam pe mar jaatā

bas yahī tarz-e-jāñ-nisārī hai

kis kā sonā kise hai aatī niiñd

shab-e-hijrāñ hai aur ashk-bārī hai

ye jo uḌtī hai tere kūcha meñ

ḳhāksāroñ kī ḳhāksārī hai

ye subuk tū ne kar diyā zālim

merā murda bhī sab ko bhārī hai

mere jiine meñ ḳhush na marne meñ

phir kaho kyā ḳhushī tumhārī hai

abr-sāñ hai hujūm-e-bārish-e-ashk

barq-sāñ shuġhl-e-be-qarārī hai

jo nahīñ thā kisī shumār meñ aah

usī āshiq ko dam-shumārī hai

kiijo barbād us ke kūche meñ

ai sabā ḳhaak ye hamārī hai

chashm ko shauq-e-ashk-bari hai

chashma-e-faiz hai ki jari hai

sozan-e-iswi se kya hoga

zaKHm apne jigar ka kari hai

hum kahin aur tum kahin sahab

KHak ye zindagi hamari hai

rakh ke sar us qadam pe mar jata

bas yahi tarz-e-jaan-nisari hai

kis ka sona kise hai aati nind

shab-e-hijran hai aur ashk-bari hai

ye jo uDti hai tere kucha mein

KHaksaron ki KHaksari hai

ye subuk tu ne kar diya zalim

mera murda bhi sab ko bhaari hai

mere jine mein KHush na marne mein

phir kaho kya KHushi tumhaari hai

abr-san hai hujum-e-barish-e-ashk

barq-san shughl-e-be-qarari hai

jo nahin tha kisi shumar mein aah

usi aashiq ko dam-shumari hai

kijo barbaad us ke kuche mein

ai saba KHak ye hamari hai