chehre pe huzn-o-ranj-o-alam ke nishan na the

chehre pe huzn-o-ranj-o-alam ke nishāñ na the

ham ro rahe the aañkh se aañsū ravāñ na the

har baat pe ham aap kī ḳhāmosh hī rahe

pās-e-adab thā varna to ham be-zabāñ na the

pahle bhī kuchh huiiñ thiiñ ġhalat-fahmiyāñ magar

is tarah log ham se kabhī bad-gumāñ na the

bātoñ se ham to duniyā ko dhoka na de sake

sīdhī sī baat kahte the jaadū bayāñ na the

yak-bārgī ye lutf-o-karam ho rahā hai kyoñ

is tarah aap ham pe kabhī mehrbāñ na the

mushkil se ham ne manzil-e-maqsūd paa.ī hai

baiThe hamārī taak meñ dushman kahāñ na the

chehre pe huzn-o-ranj-o-alam ke nishan na the

hum ro rahe the aankh se aansu rawan na the

har baat pe hum aap ki KHamosh hi rahe

pas-e-adab tha warna to hum be-zaban na the

pahle bhi kuchh huin thin ghalat-fahmiyan magar

is tarah log hum se kabhi bad-guman na the

baaton se hum to duniya ko dhoka na de sake

sidhi si baat kahte the jadu bayan na the

yak-bargi ye lutf-o-karam ho raha hai kyon

is tarah aap hum pe kabhi mehrban na the

mushkil se hum ne manzil-e-maqsud pai hai

baiThe hamari tak mein dushman kahan na the