chehre se kab ayan hai mere iztirar bhi
chehre se kab ayaañ hai mire iztirār bhī
lekin maiñ kar rahā huuñ tirā intizār bhī
shāyad tujhe ho dastaras apne vajūd par
mujh ko to is nazar pe nahīñ iḳhtiyār bhī
milne lage haiñ ab to ḳhushī ke libās meñ
ġham-hā-e-zindagī kā hai koī shumār bhī
ho laakh ḳhūb-rū koī apne ta.iiñ magar
hotā hai aks-o-ā.ine par inhisār bhī
yakjā huī haiñ husn kī sab us meñ ḳhūbiyāñ
chehre pe tāzgī hai nazar meñ ḳhumār bhī
lagtā hai jān-būjh ke aisā kiyā gayā
tū ne banā.ī chiiz koī pā.edār bhī
mahzūz ham bhī hoñge jo fursat kahīñ mile
gulshan bhī hai gulāb bhī rañg-e-bahār bhī
chehre se kab ayan hai mere iztirar bhi
lekin main kar raha hun tera intizar bhi
shayad tujhe ho dastaras apne wajud par
mujh ko to is nazar pe nahin iKHtiyar bhi
milne lage hain ab to KHushi ke libas mein
gham-ha-e-zindagi ka hai koi shumar bhi
ho lakh KHub-ru koi apne tain magar
hota hai aks-o-aine par inhisar bhi
yakja hui hain husn ki sab us mein KHubiyan
chehre pe tazgi hai nazar mein KHumar bhi
lagta hai jaan-bujh ke aisa kiya gaya
tu ne banai chiz koi paedar bhi
mahzuz hum bhi honge jo fursat kahin mile
gulshan bhi hai gulab bhi rang-e-bahaar bhi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
