chhanta hai KHak kya tu ghar banane ke liye

Khwaja Mohammad Wazir

chhanta hai KHak kya tu ghar banane ke liye

Khwaja Mohammad Wazir

MORE BYKhwaja Mohammad Wazir

    chhāntā hai ḳhaak kyā ghar banāne ke liye

    fikr rahne na kar aayā hai jaane ke liye

    aur ko kyā rañj duuñ rāhat uThāne ke liye

    ek tinke ko na chheḌūñ āshiyāne ke liye

    barq thī betāb mere āshiyāne ke liye

    abr se bhī peshtar aa.e jalāne ke liye

    kaam aa.ī murġh-e-gulshan ke mirī kāhīdgī

    le gayā tinkā samajh kar āshiyāne ke liye

    is chaman se gul chale bulbul garebāñ phaaḌ kar

    hai junūñ tinke jo chunñe āshiyāne ke liye

    ham ne kyuuñ māñgī thī gulshan meñ duā-e-josh-e-gul

    ab jagah miltī nahīñ hai āshiyāne ke liye

    phir vahī ham the vahī tum the mohabbat thī vahī

    sulh kar lete agar āñkheñ laḌāne ke liye

    huuñ vo ġham-dīda hañse koī to maiñ rone lagūñ

    kuchh bahānā chāhiye aañsū bahāne ke liye

    saaya paḌ jaa.e agar zulf-e-darāz-e-yār

    phir kahūñ maiñ bhī tasalsul hai zamāne ke liye

    huuñ vo dīvāna ki ban kar ho vo majnūñ shabīh

    merī miTTī leñ agar lailā banāne ke liye

    pahuñchī hai shāne talak kyā yaar zulf-e-rasā

    dard kyuuñ paidā huā hai mere shāne ke liye

    jumla-tan hai chashm-e-nargis yaar terī diid ko

    gul hama-tan-gosh haiñ tere fasāne ke liye

    yuuñ mirī qismat meñ thā parvāz karnā nasīb

    nochte haiñ tifl par mere uḌāne ke liye

    kaun hogā tere tīroñ nishāna mere ba.ad

    ḳhaak le jaanā mirī tuuda banāne ke liye

    bazm-e-ālam meñ khaḌā huuñ par chalā jaatā huuñ maiñ

    siikh hai sham.a se raftār jaane ke liye

    kyuuñ dil-e-betāb ko dikhlāyā ḳhāl-e-zer-e-zulf

    daam meñ machhlī nahīñ aane daane ke liye

    ho agar sar-gashtagī meñ fikr-e-ta.amīr-e-makāñ

    ḳhaak uḌā laa.e bagūla ghar banāne ke liye

    ab kisī gul-rū ke dil meñ kījiye ghar ai 'vazīr'

    kyā chaman meñ tinke chuniye āshiyāne ke liye

    chhanta hai KHak kya tu ghar banane ke liye

    fikr rahne ki na kar aaya hai jaane ke liye

    aur ko kya ranj dun rahat uThane ke liye

    ek tinke ko na chheDun aashiyane ke liye

    barq thi betab mere aashiyane ke liye

    abr se bhi peshtar aae jalane ke liye

    kaam aai murgh-e-gulshan ke meri kahidgi

    le gaya tinka samajh kar aashiyane ke liye

    is chaman se gul chale bulbul gareban phaD kar

    hai junun tinke jo chunne aashiyane ke liye

    hum ne kyun mangi thi gulshan mein dua-e-josh-e-gul

    ab jagah milti nahin hai aashiyane ke liye

    phir wahi hum the wahi tum the mohabbat thi wahi

    sulh kar lete agar aankhen laDane ke liye

    hun wo gham-dida hanse koi to main rone lagun

    kuchh bahana chahiye aansu bahane ke liye

    saya paD jae agar zulf-e-daraaz-e-yar ka

    phir kahun main bhi tasalsul hai zamane ke liye

    hun wo diwana ki ban kar ho wo majnun ki shabih

    meri miTTi len agar laila banane ke liye

    pahunchi hai shane talak kya yar ki zulf-e-rasa

    dard kyun paida hua hai mere shane ke liye

    jumla-tan hai chashm-e-nargis yar teri did ko

    gul hama-tan-gosh hain tere fasane ke liye

    yun meri qismat mein tha parwaz karna ya nasib

    nochte hain tifl par mere uDane ke liye

    kaun hoga tere tiron ka nishana mere baad

    KHak le jaana meri tuda banane ke liye

    bazm-e-alam mein khaDa hun par chala jata hun main

    sikh li hai shama se raftar jaane ke liye

    kyun dil-e-betab ko dikhlaya KHal-e-zer-e-zulf

    dam mein machhli nahin aane ki dane ke liye

    ho agar sar-gashtagi mein fikr-e-tamir-e-makan

    KHak uDa lae bagula ghar banane ke liye

    ab kisi gul-ru ke dil mein kijiye ghar ai 'wazir'

    kya chaman mein tinke chuniye aashiyane ke liye

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY