chhanw ki shakl dhup ki rangat badal gai
chhāñv kī shakl dhuup kī rañgat badal ga.ī
ab ke vo lū chalī hai ki sūrat badal ga.ī
hañsnā hañsānā apnā mashīnī amal huā
badlī havā-e-shahr to aadat badal ga.ī
achchhā sā suiT jism par apne sajā ke vo
ḳhush hai ki jaise ghar kī bhī hālat badal ga.ī
sar ko chhupāyā paañv bhī khulne nahīñ diyā
ḳhvāhish baḌhī to apnī zarūrat badal ga.ī
nazzāra-e-nigāh hai ye jaltā-bujhtā din
kuchh ġham nahīñ jo raat kī dāvat badal ga.ī
ab guftugū meñ beach se ġhā.eb hai aadmī
ham tak to aate aate rivāyat badal ga.ī
chhanw ki shakl dhup ki rangat badal gai
ab ke wo lu chali hai ki surat badal gai
hansna hansana apna mashini amal hua
badli hawa-e-shahr to aadat badal gai
achchha sa suiT jism par apne saja ke wo
KHush hai ki jaise ghar ki bhi haalat badal gai
sar ko chhupaya panw bhi khulne nahin diya
KHwahish baDhi to apni zarurat badal gai
nazzara-e-nigah hai ye jalta-bujhta din
kuchh gham nahin jo raat ki dawat badal gai
ab guftugu mein beach se ghaeb hai aadmi
hum tak to aate aate riwayat badal gai
Source:
Rooh-e-Ghazal,Pachas Sala Intekhab (Pg. 733)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
