chhaten uDi hain daraDen paDen makanon mein

chhateñ uḌī haiñ darāḌeñ paḌeñ makānoñ meñ

sitam kī ghaas ugī hai nigār ḳhānoñ meñ

lahū lahū thā badan us kā haath TuuTe the

hinā hinā vo pukārī thī āstānoñ meñ

gharoñ meñ aaj vo karb-o-balā kā manzar thā

ki sahme sahme parinde the āshiyānoñ meñ

vo jin ke naam pe nikleñgī kal kī ta.abīreñ

kiye haiñ ḳhvāb muqaffal vo qaid ḳhānoñ meñ

vo jis kā vaar muassar thā zarb kaarī thī

khaḌā huā thā vo qātil bhī pāsbānoñ meñ

zamīñ pe zulm bahut hai ḳhudā se kah dete

guzar hamārā agar hotā āsmānoñ meñ

chhaten uDi hain daraDen paDen makanon mein

sitam ki ghas ugi hai nigar KHanon mein

lahu lahu tha badan us ka hath TuTe the

hina hina wo pukari thi aastanon mein

gharon mein aaj wo karb-o-bala ka manzar tha

ki sahme sahme parinde the aashiyanon mein

wo jin ke nam pe niklengi kal ki tabiren

kiye hain KHwab muqaffal wo qaid KHanon mein

wo jis ka war muassar tha zarb kari thi

khaDa hua tha wo qatil bhi pasbanon mein

zamin pe zulm bahut hai KHuda se kah dete

guzar hamara agar hota aasmanon mein