chheDte hain gudgudate hain phir arman aaj-kal
chheḌte haiñ gudgudāte haiñ phir armāñ āj-kal
jhūTe sachche koī kar le 'ahd-o-paimāñ āj-kal
ghoñT de merā galā kuchh zor agar us kā chale
haath se mere hī tañg itnā garebāñ āj-kal
chaḌh ga.e dīvār-e-zindāñ par kabhī utre kabhī
ham bane haiñ sāya-e-dīvār-e-zindāñ āj-kal
roz rātoñ ko sunā kartā huuñ ye āvāz-e-qais
phāḌe khātā hai mujhe ḳhālī bayābāñ āj-kal
ai urūs-e-teġh kuchh tujh ko hayā bhī chāhiye
kyuuñ gale paḌtī hai tū ho ho ke uryāñ āj-kal
sang-dil kāfir kā shāyad TūTte dekhā hai kufr
TuuT kar milte haiñ mujh se is ke darbāñ āj-kal
aa gayā aisā hī ab kāfir zamāna kyā kareñ
daabe phirte haiñ baġhal meñ log īmāñ āj-kal
rāt-din hai merī turbat par hasīnoñ kā hujūm
dekhne kī chiiz hai gor-e-ġharībāñ āj-kal
din ko roza 'iid shab ko hai 'ajab shaġhl-e-'riyāz'
rāt-bhar piitā hai ye mard-e-musalmāñ āj-kal
chheDte hain gudgudate hain phir arman aaj-kal
jhuTe sachche koi kar le 'ahd-o-paiman aaj-kal
ghonT de mera gala kuchh zor agar us ka chale
hath se mere hi tang itna gareban aaj-kal
chaDh gae diwar-e-zindan par kabhi utre kabhi
hum bane hain saya-e-diwar-e-zindan aaj-kal
roz raaton ko suna karta hun ye aawaz-e-qais
phaDe khata hai mujhe KHali bayaban aaj-kal
ai urus-e-tegh kuchh tujh ko haya bhi chahiye
kyun gale paDti hai tu ho ho ke uryan aaj-kal
sang-dil kafir ka shayad TuTte dekha hai kufr
TuT kar milte hain mujh se is ke darban aaj-kal
aa gaya aisa hi ab kafir zamana kya karen
dabe phirte hain baghal mein log iman aaj-kal
raat-din hai meri turbat par hasinon ka hujum
dekhne ki chiz hai gor-e-ghariban aaj-kal
din ko roza 'id shab ko hai 'ajab shaghl-e-'riyaz'
raat-bhar pita hai ye mard-e-musalman aaj-kal
Source:
Riyaz Rizwan (Pg. e-297 p-167)
- Author: Niyaz Ahmad
-
- Edition: 1938
- Publisher: Aazam Steam Press, Hyderabad
- Year of Publication: 1938
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.