aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

chhoD dun shahr tera chhoD dun duniya teri

Shaz Tamkanat

chhoD dun shahr tera chhoD dun duniya teri

Shaz Tamkanat

MORE BYShaz Tamkanat

    chhoḌ duuñ shahr tirā chhoḌ duuñ duniyā terī

    mujh ko mālūm na thā kyā hai tamannā terī

    maiñ añdhere meñ nahīñ din ke ujāle meñ luTā

    ab kise DhūñDhe hai sham-e-ruḳh-e-zebā terī

    jab koī pās-e-muravvat se karam kartā hai

    yaad aatī hai bahut ranjish-e-be-jā terī

    pai-ba-pai saath chhuTā jaatā hai ik duniyā

    dam-ba-dam yaad chalī aatī hai goyā terī

    dāman-o-dast-e-rasā baat ḳhudā-sāz to hai

    nā-rasā.ī bhī mashiyyat hai ḳhudāyā terī

    munhadim ho ga.ī dīvār-e-dil-e-dīvāna

    merī qismat meñ thī tasvīr-e-shikasta terī

    tār-tār-e-nafas-e-jāñ meñ tirā naġhma hai

    pairahan meñ hai abhī bū-e-shanāsā terī

    ġhazal-e-'shāz' hai sadqa tirī ra.anā.ī

    rag-e-har-sher meñ hai mauj-e-sarāpā terī

    chhoD dun shahr tera chhoD dun duniya teri

    mujh ko malum na tha kya hai tamanna teri

    main andhere mein nahin din ke ujale mein luTa

    ab kise DhunDhe hai sham-e-ruKH-e-zeba teri

    jab koi pas-e-murawwat se karam karta hai

    yaad aati hai bahut ranjish-e-be-ja teri

    pai-ba-pai sath chhuTa jata hai ek duniya ka

    dam-ba-dam yaad chali aati hai goya teri

    daman-o-dast-e-rasa baat KHuda-saz to hai

    na-rasai bhi mashiyyat hai KHudaya teri

    munhadim ho gai diwar-e-dil-e-diwana

    meri qismat mein thi taswir-e-shikasta teri

    tar-tar-e-nafas-e-jaan mein tera naghma hai

    pairahan mein hai abhi bu-e-shanasa teri

    ghazal-e-'shaz' hai sadqa teri ranai ka

    rag-e-har-sher mein hai mauj-e-sarapa teri

    Source:

    Funoon(Jadeed Ghazal Number: Volume-002) (Pg. 605)

      • Edition: 1969
      • Publisher: Ahmad Nadeem Qasmi
      • Year of Publication: 1969
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now