chhoD gaya wo naqsh-e-hunar apna tughyani mein
chhoD gaya wo naqsh-e-hunar apna tughyani mein
Mohammad Ahmad Ramz
MORE BYMohammad Ahmad Ramz
chhoḌ gayā vo naqsh-e-hunar apnā tuġhyānī meñ
ek shanāvar thā jo utrā gahre paanī meñ
phailā huā thā dām-e-falak bhī ā.īna-sūrat
us ne bhī parvāz bharī thī kuchh hairānī meñ
dūd-e-charāġh-e-sub.h meñ jaise sahmī simTī raat
raushan hai faanī manzar us kā lā-fānī meñ
thakī thakī āñkhoñ meñ pareshāñ us kā ḳhvāb-e-visāl
hijr kī lambī raat kaTī bas ek kahānī meñ
sāya-e-arz-o-talab ko rauñdā us ne pairoñ se
us kī anā kā sūraj thā us kī peshānī meñ
ab us ke iz.hār ko denā chāhe jo bhī naam
us ko jo kahnā thā kah gayā apnī baanī meñ
ik ik kar ke 'ramz' bujhe jaate haiñ saare charāġh
maiñ huuñ apnā ḳhauf apnī baḌhtī vīrānī meñ
chhoD gaya wo naqsh-e-hunar apna tughyani mein
ek shanawar tha jo utra gahre pani mein
phaila hua tha dam-e-falak bhi aaina-surat
us ne bhi parwaz bhari thi kuchh hairani mein
dud-e-charagh-e-subh mein jaise sahmi simTi raat
raushan hai fani manzar us ka la-fani mein
thaki thaki aankhon mein pareshan us ka KHwab-e-visal
hijr ki lambi raat kaTi bas ek kahani mein
saya-e-arz-o-talab ko raunda us ne pairon se
us ki ana ka suraj tha us ki peshani mein
ab us ke izhaar ko dena chahe jo bhi nam
us ko jo kahna tha kah gaya apni bani mein
ek ek kar ke 'ramz' bujhe jate hain sare charagh
main hun apna KHauf apni baDhti virani mein
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
