aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

chhoD kar dil mein gai wahshi hawa kuchh bhi nahin

Zuhoor Nazar

chhoD kar dil mein gai wahshi hawa kuchh bhi nahin

Zuhoor Nazar

MORE BYZuhoor Nazar

    chhoḌ kar dil meñ ga.ī vahshī havā kuchh bhī nahīñ

    kis qadar gunjān jañgal thā rahā kuchh bhī nahīñ

    ḳhāk-e-pā-e-yād tak giilī havā ne chaaT

    ishq ġharqāb bastī meñ bachā kuchh bhī nahīñ

    haal ke zindāñ se bāhar kuchh nahīñ juz rūd-e-marg

    aur is zindāñ meñ juz zanjīr-e-pā kuchh bhī nahīñ

    hijr ke kaale samundar nahīñ sāhil koī

    mauja-e-tūfān-e-dahshat se varā kuchh bhī nahīñ

    ābanā.e-dard ke donoñ taraf hai dasht-e-ḳhauf

    ab to chāra jaan dene ke sivā kuchh bhī nahīñ

    haath merā ai mirī parchhā.īñ thaam le

    ek muddat se mujhe to sūjhtā kuchh bhī nahīñ

    shahr-e-shab meñ kaun ghar thā na jis par sadā

    niiñd ke andhe musāfir ko milā kuchh bhī nahīñ

    raat bhar ik chaap phirtī rahī chāroñ taraf

    jān-levā ḳhauf thā lekin huā kuchh bhī nahīñ

    kāsa-e-jāñ haath meñ le kar ga.e the ham vahāñ

    laa.e us dar se ba-juz ḳhūn-e-sadā kuchh bhī nahīñ

    umr bhar umr-e-gurezāñ se na merī ban sakī

    jo kare kartī rahe maiñ pūchhtā kuchh bhī nahīñ

    vo bhī shāyad ro paḌe vīrān kāġhaz dekh kar

    maiñ ne us ko āḳhirī ḳhat meñ likhā kuchh bhī nahīñ

    daulat-e-tanhā.ī bhī aane se tere chhin ga.ī

    ab to mere paas ai jān-e-vafā kuchh bhī nahīñ

    dil pe lākhoñ lafz kanda kar ga.ī us nazar

    aur kahne ko abhī us ne kahā kuchh bhī nahīñ

    chhoD kar dil mein gai wahshi hawa kuchh bhi nahin

    kis qadar gunjaan jangal tha raha kuchh bhi nahin

    KHak-e-pa-e-yaad tak gili hawa ne chaT li

    ishq ki gharqab basti mein bacha kuchh bhi nahin

    haal ke zindan se bahar kuchh nahin juz rud-e-marg

    aur is zindan mein juz zanjir-e-pa kuchh bhi nahin

    hijr ke kale samundar ka nahin sahil koi

    mauja-e-tufan-e-dahshat se wara kuchh bhi nahin

    aabanae-dard ke donon taraf hai dasht-e-KHauf

    ab to chaara jaan dene ke siwa kuchh bhi nahin

    hath mera ai meri parchhain tu hi tham le

    ek muddat se mujhe to sujhta kuchh bhi nahin

    shahr-e-shab mein kaun sa ghar tha na di jis par sada

    nind ke andhe musafir ko mila kuchh bhi nahin

    raat bhar ek chap si phirti rahi chaaron taraf

    jaan-lewa KHauf tha lekin hua kuchh bhi nahin

    kasa-e-jaan hath mein le kar gae the hum wahan

    lae us dar se ba-juz KHun-e-sada kuchh bhi nahin

    umr bhar umr-e-gurezan se na meri ban saki

    jo kare karti rahe main puchhta kuchh bhi nahin

    wo bhi shayad ro paDe viran kaghaz dekh kar

    main ne us ko aaKHiri KHat mein likha kuchh bhi nahin

    daulat-e-tanhai bhi aane se tere chhin gai

    ab to mere pas ai jaan-e-wafa kuchh bhi nahin

    dil pe lakhon lafz kanda kar gai us ki nazar

    aur kahne ko abhi us ne kaha kuchh bhi nahin

    Videos
    This video is playing from YouTube

    Videos
    This video is playing from YouTube

    Zuhoor Nazar

    Zuhoor Nazar

    Source:

    Range-e-Gazal (Pg. 71)

    • Author: shahzaad ahmad
      • Edition: 1988
      • Publisher: Ali Printers, 19-A Abate Road, Lahore
      • Year of Publication: 1988
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now