chhoDiye chhoDiye ye baaten to afsane hain
chhoḌiye chhoḌiye ye bāteñ to afsāne haiñ
ham bhī dīvāne haiñ jo aap ke dīvāne haiñ
mar ke bhī aap ko rusvā nahīñ hone deñge
jal ke bad-nām jo karte haiñ vo parvāne haiñ
aaj insāñ ne bhulā Daale haiñ yazdāñ ke karam
ham ne to zulm bhī ehsān tire jaane haiñ
yuuñ to saa.e kī tarah saath vo rahte haiñ mire
phir bhī mahsūs ye hotā hai vo begāne haiñ
merā iz.hār-e-mohabbat na samajh paa.e aap
ye mire dukh ye mire dard to anjāne haiñ
chhoDiye chhoDiye ye baaten to afsane hain
hum bhi diwane hain jo aap ke diwane hain
mar ke bhi aap ko ruswa nahin hone denge
jal ke bad-nam jo karte hain wo parwane hain
aaj insan ne bhula Dale hain yazdan ke karam
hum ne to zulm bhi ehsan tere jaane hain
yun to sae ki tarah sath wo rahte hain mere
phir bhi mahsus ye hota hai wo begane hain
mera izhaar-e-mohabbat na samajh pae aap
ye mere dukh ye mere dard to anjaane hain
Source:
Junoon (Pg. 126)
- Author: Naseem Muqri
-
- Edition: 1990
- Publisher: Naseem Muqri
- Year of Publication: 1990
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
