chhoTa sa ek kaam hamara nahin kiya

Basir Sultan Kazmi

chhoTa sa ek kaam hamara nahin kiya

Basir Sultan Kazmi

MORE BYBasir Sultan Kazmi

    chhoTā ek kaam hamārā nahīñ kiyā

    'bāsir' tumhāre yaar ne achchhā nahīñ kiyā

    rahtī rahī hai koī na koī kamī zarūr

    aisā nahīñ kiyā kabhī vaisā nahīñ kiyā

    do chaar baar dekh lo ḳhud ke us ke paas

    kuchh be-sabab to ham ne kinārā nahīñ kiyā

    kahte rahe ho tum use hamdard-o-ġham-gusār

    aur us ne baat karnā gavārā nahīñ kiyā

    gar thiiñ nigāh meñ mirī kotāhiyāñ to Thiik

    aġhyār ne to koī ishāra nahīñ kiyā

    hairāñ huuñ log kahte haiñ kyoñ us ko chārāgar

    jis ne kisī marīz ko achchhā nahīñ kiyā

    din raat ham ko qarz chukāne fikr hai

    go us ne vāpsī taqāzā nahīñ kiyā

    hote jo aaj un nigāhoñ meñ sarfarāz

    ham ne to koī kaam bhī aisā nahīñ kiyā

    chhoTa sa ek kaam hamara nahin kiya

    'basir' tumhaare yar ne achchha nahin kiya

    rahti rahi hai koi na koi kami zarur

    aisa nahin kiya kabhi waisa nahin kiya

    do chaar bar dekh lo KHud ja ke us ke pas

    kuchh be-sabab to hum ne kinara nahin kiya

    kahte rahe ho tum use hamdard-o-gham-gusar

    aur us ne baat karna gawara nahin kiya

    gar thin nigah mein meri kotahiyan to Thik

    aghyar ne to koi ishaara nahin kiya

    hairan hun log kahte hain kyon us ko chaaragar

    jis ne kisi mariz ko achchha nahin kiya

    din raat hum ko qarz chukane ki fikr hai

    go us ne wapsi ka taqaza nahin kiya

    hote jo aaj un ki nigahon mein sarfaraaz

    hum ne to koi kaam bhi aisa nahin kiya

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY