chhupa kar ishq ki KHushbu ko to rakha nahin jata

chhupā kar 'ishq kī ḳhushbū ko to rakhā nahīñ jaatā

nazar us ko bhī paḌh letī hai jo likkhā nahīñ jaatā

bahut halchal sī hotī hai hamāre ḳhuun meñ yaaro

kisī par zulm ho to ham se vo dekhā nahīñ jaatā

kisī kī bad-du'ā us kī taraqqī rok detī hai

takabbur kā shajar phaltā hai par ūñchā nahīñ jaatā

bahāne nit na.e har din bunā karte ho tum sāhab

hameñ ye saaf hī kah do ki ab aayā nahīñ jaatā

ye shafqat un ke haq meñ na koī dīvār ban jaa.e

bigaḌ jaate haiñ ye bachche agar Tokā nahīñ jaatā

jise chāhā thā puujā thā 'zaman' gahrā.ī se dil kī

hamāre zehn ke goshe se vo chehra nahīñ jaatā

chhupa kar 'ishq ki KHushbu ko to rakha nahin jata

nazar us ko bhi paDh leti hai jo likkha nahin jata

bahut halchal si hoti hai hamare KHun mein yaro

kisi par zulm ho to hum se wo dekha nahin jata

kisi ki bad-du'a us ki taraqqi rok deti hai

takabbur ka shajar phalta hai par uncha nahin jata

bahane nit nae har din buna karte ho tum sahab

hamein ye saf hi kah do ki ab aaya nahin jata

ye shafqat un ke haq mein na koi diwar ban jae

bigaD jate hain ye bachche agar Toka nahin jata

jise chaha tha puja tha 'zaman' gahrai se dil ki

hamare zehn ke goshe se wo chehra nahin jata