chhupe hue hain sar-e-rah sau KHatar KHamosh

Akhtar Ziai

chhupe hue hain sar-e-rah sau KHatar KHamosh

Akhtar Ziai

MORE BYAkhtar Ziai

    chhupe hue haiñ sar-e-rāh sau ḳhatar ḳhāmosh

    chale chalo mere yārān-e-ham-safar ḳhāmosh

    fazā-e-qarya tilism-e-sukūt meñ gum-sum

    siyāh raat ke dāman meñ bām-o-dar ḳhāmosh

    hamāre baa'd agar rustaḳhez ho bhī to kyā

    bisāt-e-vaqt se ham to ga.e guzar ḳhāmosh

    ba-īñ navāzish-e-mausam shaguft-e-gul pe na

    zabān-e-hāl se goyā ba-chashm-e-tar ḳhāmosh

    jo arsh-e-jāh sitāra-shikār the un ko

    falak aañkh ne dekhā faganda-sar ḳhāmosh

    har ek daur meñ gūñjī hai zarbat-e-farhād

    kabhī bhī rah na sake sāhab-e-hunar ḳhāmosh

    zabāñ-darāz 'ziyā.ī' ko rokiye sāhab

    ye maslahat taqāzā hai al-hazar ḳhāmosh

    chhupe hue hain sar-e-rah sau KHatar KHamosh

    chale chalo mere yaran-e-ham-safar KHamosh

    faza-e-qarya tilism-e-sukut mein gum-sum

    siyah raat ke daman mein baam-o-dar KHamosh

    hamare ba'd agar rustaKHez ho bhi to kya

    bisat-e-waqt se hum to gae guzar KHamosh

    ba-in nawazish-e-mausam shaguft-e-gul pe na ja

    zaban-e-haal se goya ba-chashm-e-tar KHamosh

    jo arsh-e-jah sitara-shikar the un ko

    falak ki aankh ne dekha faganda-sar KHamosh

    har ek daur mein gunji hai zarbat-e-farhad

    kabhi bhi rah na sake sahab-e-hunar KHamosh

    zaban-daraaz 'ziyai' ko rokiye sahab

    ye maslahat ka taqaza hai al-hazar KHamosh

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY