chhupi hai tujh mein koi shai use na ghaarat kar

Rajinder Manchanda Bani

chhupi hai tujh mein koi shai use na ghaarat kar

Rajinder Manchanda Bani

MORE BYRajinder Manchanda Bani

    chhupī hai tujh meñ koī shai use na ġhārat kar

    jo ho sake to kahīñ dil lagā mohabbat kar

    adā ye kis kaTe patte se ne sīkhī hai

    sitam havā ho aur shāḳh se shikāyat kar

    na ho muḳhil mire andar ek duniyā meñ

    baḌī ḳhushī se bar-o-bahr par hukūmat kar

    vo apne aap na samjhegā tere dil meñ hai kyā

    ḳhalish ko harf banā harf ko hikāyat kar

    mire banā.e hue but meñ ruuh phūñk de ab

    na ek umr mehnat mirī akārat kar

    kahāñ se aa gayā bazm-e-kam-yaqīnāñ meñ

    yahāñ na hogā koī ḳhush hazār ḳhidmat kar

    kuchh aur chīzeñ haiñ duniyā ko jo badaltī haiñ

    ki apne dard ko apne liye ibārat kar

    nahīñ ajab isī pal ho muntazir vo bhī

    ki chhū le us ke badan ko zarā himmat kar

    ḳhulūs terā bhī ab zad meñ aa gayā 'bānī'

    yahāñ ye roz ke qisse haiñ burā mat kar

    chhupi hai tujh mein koi shai use na ghaarat kar

    jo ho sake to kahin dil laga mohabbat kar

    ada ye kis kaTe patte se tu ne sikhi hai

    sitam hawa ka ho aur shaKH se shikayat kar

    na ho muKHil mere andar ki ek duniya mein

    baDi KHushi se bar-o-bahr par hukumat kar

    wo apne aap na samjhega tere dil mein hai kya

    KHalish ko harf bana harf ko hikayat kar

    mere banae hue but mein ruh phunk de ab

    na ek umr ki mehnat meri akarat kar

    kahan se aa gaya tu bazm-e-kam-yaqinan mein

    yahan na hoga koi KHush hazar KHidmat kar

    kuchh aur chizen hain duniya ko jo badalti hain

    ki apne dard ko apne liye ibarat kar

    nahin ajab isi pal ka ho muntazir wo bhi

    ki chhu le us ke badan ko zara si himmat kar

    KHulus tera bhi ab zad mein aa gaya 'bani'

    yahan ye roz ke qisse hain ji bura mat kar

    Source :
    • Book : Kulliyat-e-bani (Pg. 84)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now