chhuriyan chalin shab dil o jigar par

chhuriyāñ chalīñ shab dil o jigar par

la.anat hai is āh-e-be-asar par

bāloñ ne tire balā dikhā dī

jab khul ke vo aa rahī kamar par

naame ko mire chhupā rakhegā

thā ye to gumāñ na nāma-bar par

phirte haiñ jharokoñ ke tale shaah

us kū meñ umīd-e-yak-nazar par

kyā jaagā hai ye bhī hijr kī shab

zardī sī hai kyuuñ ruḳh-e-qamar par

phir ġhairat-e-ishq ne biThā.e

darbāñ shadīd us ke dar par

rahtī haiñ ba-vaqt-e-girya aksar

do uñgliyāñ apnī chashm-e-tar par

hai ishq suḳhan kā 'mus.hafī' ko

maa.il nahīñ itnā sīm-o-zar par

chhuriyan chalin shab dil o jigar par

lanat hai is aah-e-be-asar par

baalon ne tere bala dikha di

jab khul ke wo aa rahi kamar par

name ko mere chhupa rakhega

tha ye to guman na nama-bar par

phirte hain jharokon ke tale shah

us ku mein umid-e-yak-nazar par

kya jaga hai ye bhi hijr ki shab

zardi si hai kyun ruKH-e-qamar par

phir ghairat-e-ishq ne biThae

darban shadid us ke dar par

rahti hain ba-waqt-e-girya aksar

do ungliyan apni chashm-e-tar par

hai ishq suKHan ka 'mushafi' ko

mail nahin itna sim-o-zar par