chhu kar kisi ki zulf-e-muattar machal gae

chhū kar kisī kī zulf-e-muattar machal ga.e

jhoñke ḳhunuk havāoñ kī ḳhushbū meñ Dhal ga.e

kis se kareñ umīd-e-vafā is jahān meñ

is dil ko jin pe naaz thā vo bhī badal ga.e

jis vaqt ham ne jhuum kar azm-e-safar

lākhoñ charāġh rāh-e-mohabbat meñ jal ga.e

ai dost ham ne ishq-o-mohabbat kī raah meñ

Thokar to saḳht khaa.ī thī lekin sambhal ga.e

'nayyar' hamāre dil meñ the armān jis qadar

ālām-e-rozgār ke sāñche meñ Dhal ga.e

chhu kar kisi ki zulf-e-muattar machal gae

jhonke KHunuk hawaon ki KHushbu mein Dhal gae

kis se karen umid-e-wafa is jahan mein

is dil ko jin pe naz tha wo bhi badal gae

jis waqt hum ne jhum kar azm-e-safar

lakhon charagh rah-e-mohabbat mein jal gae

ai dost hum ne ishq-o-mohabbat ki rah mein

Thokar to saKHt khai thi lekin sambhal gae

'nayyar' hamare dil mein the arman jis qadar

aalam-e-rozgar ke sanche mein Dhal gae