chhu nahin pate baDha kar hath usko

chhū nahīñ paate baḌhā kar haath us ko

maañg leñge ham uThā kar haath us ko

ham gale milte to jā paatā nahīñ vo

kar diyā ruḳhsat hilā kar haath us ko

saath kī aadat nahīñ vo mar na jaa.e

chhoḌ do tum bhī milā kar haath us ko

ishq ke dariyā ko ham darkār the so

de diyā ḳhud ko girā kar haath us ko

chhu nahin pate baDha kar hath us ko

mang lenge hum uTha kar hath us ko

hum gale milte to ja pata nahin wo

kar diya ruKHsat hila kar hath us ko

sath ki aadat nahin wo mar na jae

chhoD do tum bhi mila kar hath us ko

ishq ke dariya ko hum darkar the so

de diya KHud ko gira kar hath us ko