chiKHte hain dar-o-diwar nahin hota main

chīḳhte haiñ dar-o-dīvār nahīñ hotā maiñ

aañkh khulne pe bhī bedār nahīñ hotā maiñ

ḳhvāb karnā ho safar karnā ho yā ronā ho

mujh meñ ḳhūbī hai bezār nahīñ hotā meñ

ab bhalā apne liye banñā sañvarnā kaisā

ḳhud se milnā ho to tayyār nahīñ hotā maiñ

kaun aa.egā bhalā merī ayādat ke liye

bas isī ḳhauf se bīmār nahīñ hotā maiñ

manzil-e-ishq pe niklā to kahā raste ne

har kisī ke liye hamvār nahīñ hotā maiñ

terī tasvīr se taskīn nahīñ hotī mujhe

terī āvāz se sarshār nahīñ hotā maiñ

log kahte haiñ maiñ bārish kī tarah huuñ 'hāfī'

aksar auqāt lagātār nahīñ hotā maiñ

chiKHte hain dar-o-diwar nahin hota main

aankh khulne pe bhi bedar nahin hota main

KHwab karna ho safar karna ho ya rona ho

mujh mein KHubi hai bezar nahin hota mein

ab bhala apne liye banna sanwarna kaisa

KHud se milna ho to tayyar nahin hota main

kaun aaega bhala meri ayaadat ke liye

bas isi KHauf se bimar nahin hota main

manzil-e-ishq pe nikla to kaha raste ne

har kisi ke liye hamwar nahin hota main

teri taswir se taskin nahin hoti mujhe

teri aawaz se sarshaar nahin hota main

log kahte hain main barish ki tarah hun 'hafi'

aksar auqat lagatar nahin hota main