chiKHte hain dayar raaton mein

chīḳhte haiñ dayār rātoñ meñ

le lo rāh-e-farār rātoñ meñ

roz hotā hai maqbara kamra

aur bistar mazār rātoñ meñ

dhaḌkaneñ gūñjtī haiñ siine meñ

baḌhtā hai iztirār rātoñ meñ

mere shevan pe muskurātā hai

merā parvardigār rātoñ meñ

tīrgī mere dil meñ ḳhanjar sī

ho rahī ār-pār rātoñ meñ

niiñd hai lais zer karne ko

aur maiñ hoshiyār rātoñ meñ

mere rone se sab malak mujh par

ho raheñ jāñ-nisār rātoñ meñ

bain kartī haiñ hūreñ sirhāne

mere gird-e-mazār rātoñ meñ

koī terī yahāñ nahīñ suntā

apne rab ko pukār rātoñ meñ

chiKHte hain dayar raaton mein

le lo rah-e-farar raaton mein

roz hota hai maqbara kamra

aur bistar mazar raaton mein

dhaDkanen gunjti hain sine mein

baDhta hai iztirar raaton mein

mere shewan pe muskuraata hai

mera parwardigar raaton mein

tirgi mere dil mein KHanjar si

ho rahi aar-par raaton mein

nind hai lais zer karne ko

aur main hoshiyar raaton mein

mere rone se sab malak mujh par

ho rahen jaan-nisar raaton mein

bain karti hain huren sirhane

mere gird-e-mazar raaton mein

koi teri yahan nahin sunta

apne rab ko pukar raaton mein