chiKHti rahti hai diwar dariche rote rahte hain

chīḳhtī rahtī hai dīvār darīche rote rahte haiñ

sone vaale paañv pasāre chain se sote rahte haiñ

rahtā thā jis shahr meñ shaam se shor-e-raqs-o-rāmish-o-rang

ab us shahr meñ raat raat bhar kutte rote rahte haiñ

hairat kī kyā baat hai is meñ tan se agar hai sar ġhā.eb

aise qisse is bastī meñ aksar hote rahte haiñ

paanī anqā bhūmī banjar taptā tāñbe sā ākāsh

ham bekār hī biij diloñ meñ dard ke bote rahte haiñ

kis hairat se aksar ham se pūchhne vaale pūchhte haiñ

is āseb-zada ghar meñ ham kis ke buute rahte haiñ

chiKHti rahti hai diwar dariche rote rahte hain

sone wale panw pasare chain se sote rahte hain

rahta tha jis shahr mein sham se shor-e-raqs-o-ramish-o-rang

ab us shahr mein raat raat bhar kutte rote rahte hain

hairat ki kya baat hai is mein tan se agar hai sar ghaeb

aise qisse is basti mein aksar hote rahte hain

pani anqa bhumi banjar tapta tanbe sa aakash

hum bekar hi bij dilon mein dard ke bote rahte hain

kis hairat se aksar hum se puchhne wale puchhte hain

is aaseb-zada ghar mein hum kis ke bute rahte hain