chiz dil hai ruKH-e-gulfam mein kya rakkha hai

Anand Narayan Mulla

chiz dil hai ruKH-e-gulfam mein kya rakkha hai

Anand Narayan Mulla

MORE BY Anand Narayan Mulla

    chiiz dil hai ruḳh-e-gulfām meñ kyā rakkhā hai

    kaif sahbā meñ hai ḳhud jaam meñ kyā rakkhā hai

    gungunātā huā dil chāhiye jiine ke liye

    is nazā-e-sahar-o-shām meñ kyā rakkhā hai

    kaun kis tarah se hotā hai harīf‌‌‌‌-e-mai-e-zīst

    aur talḳhāba-e-ayyām meñ kyā rakkhā hai

    ishq kartā hai to kar aur nigāhoñ ko buland

    rishta-e-rah-guzar-o-bām meñ kyā rakkhā hai

    murġh-e-āzād huā kyā tirī ḳhuddārī ko

    chand dānoñ ke sivā daam meñ kyā rakkhā hai

    husn fankār ik chheḌ hai ishq-e-nādāñ

    bevafā.ī ke is ilzām meñ kyā rakkhā hai

    dekhnā ye hai ki vo dil meñ makīñ hai ki nahīñ

    chāhe jis naam se ho naam meñ kyā rakkhā hai

    deñ mire zauq-e-parastish ko duā.eñ 'mullā'

    varna patthar ke in asnām meñ kyā rakkhā hai

    chiz dil hai ruKH-e-gulfam mein kya rakkha hai

    kaif sahba mein hai KHud jam mein kya rakkha hai

    gungunata hua dil chahiye jine ke liye

    is naza-e-sahar-o-sham mein kya rakkha hai

    kaun kis tarah se hota hai harif‌‌‌‌-e-mai-e-zist

    aur talKHaba-e-ayyam mein kya rakkha hai

    ishq karta hai to kar aur nigahon ko buland

    rishta-e-rah-guzar-o-baam mein kya rakkha hai

    murgh-e-azad hua kya teri KHuddari ko

    chand danon ke siwa dam mein kya rakkha hai

    husn fankar ki ek chheD hai ishq-e-nadan

    bewafai ke is ilzam mein kya rakkha hai

    dekhna ye hai ki wo dil mein makin hai ki nahin

    chahe jis nam se ho nam mein kya rakkha hai

    den mere zauq-e-parastish ko duaen 'mulla'

    warna patthar ke in asnam mein kya rakkha hai

    Source:

    • Book: Kulliyat-e-Anand Narayan Mulla (Pg. 651)
    • Author: Khaliq Anjum
    • Publication: National Council for Promotion of Urdu Language-NCPUL (2010)
    • Edition: 2010
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites